महाराष्ट्रातील शेतकऱ्यांना पावसाचे पाणी साठवण्यासाठी सुविधा उपलब्ध करून देणे आणि त्यातून शेती उत्पादन तसेच उत्पन्न वाढवणे हा या योजनेचा मुख्य उद्देश आहे. या योजनेअंतर्गत विविध ठिकाणी शेततळे निर्माण करून पाणी साठवण व्यवस्था तयार केली जाते.
लाभार्थी पात्रता
- अर्जदार शेतकऱ्याकडे किमान ०.६० हेक्टर शेती जमीन असणे आवश्यक आहे. (कमाल मर्यादा निश्चित केलेली नाही.)
- संबंधित जमीन तांत्रिकदृष्ट्या शेततळे तयार करण्यास योग्य असावी, ज्यामुळे पावसाचे पाणी तळ्यात साठवणे किंवा पुनर्भरण करणे शक्य होईल.
- अर्जदाराने यापूर्वी शेततळे, सामुदायिक शेततळे किंवा भात खाचरासोबत तयार होणारी बोडी या घटकांचा लाभ इतर शासकीय योजनांमधून घेतलेला नसावा.
आवश्यक कागदपत्रे
- ७/१२ उतारा
- आधार कार्ड
- राष्ट्रीयीकृत बँकेचे बँक पासबुक
- भू-नकाशा (सर्वे नंबरसह)
- जात प्रमाणपत्र (अनुसूचित जाती/जमातीसाठी अर्ज असल्यास)
- शासनाच्या नमुन्यानुसार शपथपत्र
- मोबाईल नंबर
ऑनलाइन अर्ज प्रक्रिया
- https://mahadbt.maharashtra.gov.in या पोर्टलवर जाऊन अर्ज करावा.
- संबंधित योजनेच्या ‘शेती’ विभागात ‘मागेल त्याला शेततळे’ योजना निवडावी.
- आवश्यक माहिती भरून संबंधित कागदपत्रे अपलोड करावीत.
- अर्ज सबमिट केल्यानंतर अर्ज क्रमांक (Acknowledgement) प्राप्त होतो.
ऑफलाइन अर्ज
- तालुका कृषी अधिकारी कार्यालयात भेट देऊन अर्ज करता येतो.
- संबंधित अधिकाऱ्यांच्या मदतीने अर्ज प्रक्रिया पूर्ण करता येते.