या योजनेद्वारे १८ ते ५० वर्षे वयोगटातील नागरिकांना जीवन विम्याचे संरक्षण दिले जाते. विमाधारकाचा कोणत्याही कारणामुळे मृत्यू झाल्यास त्यांच्या कुटुंबीयांना २ लाख रुपयांपर्यंत विमा संरक्षण दिले जाते. या योजनेत सहभागी झाल्यानंतर दरवर्षी ४३६ रुपये प्रीमियम विमाधारकाच्या बँक खात्यातून ऑटो-डेबिट पद्धतीने घेतला जातो.
पात्रता निकष
- अर्जदाराचे वय १८ ते ५० वर्षे दरम्यान असावे.
- अर्जदाराचे जन-धन खाते / राष्ट्रीयकृत बँक किंवा पोस्ट ऑफिसमध्ये खाते असणे आवश्यक आहे.
आवश्यक कागदपत्रे
खालीलपैकी कोणतेही एक ओळखपत्र वापरता येते:
- ड्रायव्हिंग लायसन्स
- आधार कार्ड
- पॅन कार्ड
- मतदार ओळखपत्र
- पासपोर्ट
- मनरेगा कार्ड
अर्ज कसा करावा?
या योजनेसाठी अर्ज करण्यासाठी खालील पर्याय उपलब्ध आहेत:
आपल्या जवळच्या बँक शाखेत जाऊन अर्ज करता येतो.
किंवा विमा एजंटच्या माध्यमातून नोंदणी करता येते.
तसेच अधिकृत संकेतस्थळावरूनही माहिती व अर्ज करता येतो: https://www.jansuraksha.gov.in/