शेतकऱ्यांच्या पिकांना नैसर्गिक आपत्तीमुळे होणाऱ्या नुकसानीपासून संरक्षण देण्यासाठी केंद्र सरकारने पंतप्रधान पीक विमा योजना सुरू केली आहे. या योजनेद्वारे खरीप आणि रब्बी हंगामातील पिकांसाठी विमा संरक्षण दिले जाते. पाऊस, पूर, दुष्काळ किंवा इतर नैसर्गिक आपत्तीमुळे पिकांचे नुकसान झाल्यास शेतकऱ्यांना नुकसानभरपाई मिळण्याची सुविधा या योजनेत उपलब्ध आहे.
पात्रता निकष
- शेतकरी हा विमा घेतलेल्या जमिनीवर शेती करणारा किंवा शेतीत प्रत्यक्ष सहभागी असावा.
- शेतकऱ्याकडे वैध जमीन मालकीचा पुरावा किंवा अधिकृत भाडेकरार असणे आवश्यक आहे.
- पेरणी हंगाम सुरू झाल्यानंतर २ आठवड्यांच्या आत विमा योजनेसाठी अर्ज करणे आवश्यक आहे.
- संबंधित पिकाच्या नुकसानीसाठी शेतकऱ्याने इतर कोणत्याही स्रोताकडून नुकसानभरपाई घेतलेली नसावी.
- नोंदणी करताना बँक खात्याची माहिती आणि वैध ओळखपत्र देणे आवश्यक आहे.
- अधिसूचित क्षेत्रामध्ये अधिसूचित पिके घेणारे आणि पिकात विमा करण्यास पात्र असलेले सर्व शेतकरी या योजनेसाठी पात्र आहेत.
आवश्यक कागदपत्रे
- अर्जदाराचा फोटो
- ओळखपत्र (पॅन कार्ड / ड्रायव्हिंग लायसन्स / मतदार ओळखपत्र / पासपोर्ट / आधार कार्ड)
- राहत्या पत्त्याचा पुरावा (ड्रायव्हिंग लायसन्स / मतदार ओळखपत्र / पासपोर्ट / आधार कार्ड)
- जमीन मालकी असल्यास सातबारा उतारा किंवा खाते नंबर संबंधित कागदपत्रे, तसेच पिकांची पेरणी झाल्याचा पुरावा
- शेतकरी असल्याचे तलाठी, सरपंच किंवा ग्रामसेवक यांचे प्रमाणपत्र
- जमीन भाड्याने घेतली असल्यास जमिनीच्या मालकाशी केलेल्या कराराची प्रत
- अर्जदाराच्या बँक खात्याचा क्रॉस चेक
प्रीमियम दर
- खरीप हंगामातील पिके: २% प्रीमियम
- रब्बी हंगामातील पिके: १.५% प्रीमियम
- व्यापारी व बागायती पिके: ५% प्रीमियम
अर्ज कसा करावा?
या योजनेसाठी अर्ज करण्यासाठी खालील पर्याय उपलब्ध आहेत:
- जवळच्या बँक शाखेत जाऊन अर्ज करता येतो.
- किंवा अधिकृत संकेतस्थळावरून ऑनलाइन अर्ज करता येतो: http://pmfby.gov.in/